Feb 122009
sai nirala hai deen dayala hai – 2
bigdi savari bhav sitare bada dilwala hai
sai nirala hai deen dayala hai
pag pankaj hai parasa jaisi
bol daya ki baarish jaise
dil uska hai karuna sagar
naina sach ke deep ujaagar
cheene vish aur amrit baante
kaliyaan deta chuntaa kaante
andhiyaare mein doobe jag ko
deta ujaala hai
sai nirala hai deen dayala hai
ganga jal sii nirmal kaya
kalpataru sii sheetal chaaya
dwaar ki thooni chandan jaisi
pavan ki sar sar vandan jaisi
chue kankar tau ho jaaye moti
shirdi ka har kan uski jyoti
deen heen har sharnaagat kaa
wo rakhwala hai
sai nirala hai deen dayala hai – 2
bigdi savari bhav sitare bada dilwala hai
sai nirala hai deen dayala hai – 3
