Ambe tu hain Jagdambe Kaali
Jai Durge khappar waali,
Tere hi gun gaaye Bharati, O Maiya, hum sab utarey teri aarti !
Tere jagat ke bhakt janan par bhid padi hai bhari maa,
Daanav dal par toot pado Maa karke singh sawari,
So so singho se tu bal shali, asth bhujao wali,
Dushton ko pal mein sangharti, O Maiya, hum sab utarey teri aarti !
Maa bete ka hai ish jag mein bada hi nirmal nata,
Poot kaput sune hai par na mata suni kumata,
Sab par karuna darshaney wali, amrut barsaney wali,
Dukhiyon ke dukhdae nivarti, O Maiya, hum sab utarey teri aarti !
Nahi maangtey dhan aur daulat na chaandi na sona Maa,
Hum to maangey Maa tere man mein ek chota sa kona,
Sab ki bigdi banane wali, laaj bachane wali,
Satiyo ke sat ko sanvarti, O Maiya, hum sab utarey teri aarti !
Ambe tu hain Jagdambe Kaali
Jai Durge khappar waali,
Tere hi gun gaaye Bharati, O Maiya, hum sab utarey teri aarti !
Jaikara Sherawaali da, bolo saache darbar ki jai !!
